Жаһандық фармакорпорациялармен ынтымақтастықты жандандыру, технологиялар трансферті, инвесторларды тарту және отандық өндірістің дәрілік заттар мен медициналық бұйымдарының үлесін 2025 жылы 50%-ға дейін жеткізу жөніндегі Президенттің тапсырмасын орындау жұмысын жалғастыра отырып, Бірыңғай дистрибьютор жұмыс сапарымен Нидерландыда болды.
Қазақстандық делегация қатарында «QazBioPharm» АҚ, Ұлттық дәрілік заттар мен медициналық бұйымдарды сараптау орталығының өкілдері де бар.
Жұмыс сапары барысында қазақстандық тарап Еуропалық фармакопеяда баяндалған талаптарға дәрілік заттардың сәйкестігін бағалау жөніндегі агенттік – Еуропалық дәрілік заттар агенттігінің (ЕДЗА) басшылығымен кездесті. Ұйым Еуропалық одақтың бірыңғай дәрілік нарығының жұмысында маңызды рөл атқарады.
ЕДЗА орталықтандырылмаған ғылыми мекеме ретінде әрекет етеді, орталық және Ұлттық тіркелген дәрілік заттарды бағалау мен бақылауды үйлестіру, техникалық басшылықты дамыту және клиникалық сынақтарды ұйымдастырушыларға ғылыми ұсыныстар беру арқылы денсаулықты сақтау мен нығайтуға жауап береді.
Тараптар елдегі дәрі-дәрмектерді тіркеу, сараптама және клиникалық сынақтар жүргізу, сондай-ақ нарықтағы дәрілік заттардың қауіпсіздігіне мониторинг жүргізу саласында тәжірибе алмасты.
Дәрілік қауіпсіздік – бүкіл әлемде маңызды және өзекті мәселе. Қазақстанда халық денсаулығы, қауіпсіздік, сондай-ақ дәрілік заттардың сапасы мен тиімділігі мәселелеріне ерекше назар аударылады және ұлттық қауіпсіздікті қамтамасыз ету факторларына жатқызылды.
Келесі кездесу сапасы, жоғары сенімділігі және жаңа технологиялары арқасында медициналық жабдықтар нарығының танымал әлемдік көшбасшысы болып табылатын – Phillips Healthcare компаниясының басшылығымен өтті.
Қазақстандық делегация өндірістік алаңға барып, өндірістік үдеріспен және шығарылатын жабдықтар желісімен танысты. Диалог барысында тараптар Қазақстанға өндірісті оқшаулау, технологиялар трансферін қамтамасыз ету және медицина қызметкерлерін оқыту мәселелерін қарады. ҚР Денсаулық сақтау министрлігінде Philips өндірісін оқшаулау мәселесі бойынша жұмыс тобын құру жоспарлануда.
Бүгінгі кездесу Қазақстанға медициналық техника өндірісін оқшаулау шеңберіндегі ынтымақтастықты одан әрі пысықтау үшін қол жеткізілген әріптестіктің практикалық жалғасы болды.
Естеріңізге сала кетейік, 2022 жылдың қазан айында ҚР Денсаулық сақтау министрлігі мен Royal Philips арасында медициналық көмектің сапасын жақсарту, тиімділігін арттыру, цифрлық денсаулық сақтау қызметтері саласындағы ынтымақтастық туралы меморандум жасалды.
Тараптар онкологиялық және кардиологиялық қызметтердің сапасын жақсарту туралы уағдаластыққа қол жеткізді, оның ішінде науқастарды диагностикалаудың, емді жоспарлаудың, емдеудің және диспансерлік бақылаудың қазіргі заманғы әдістері негізінде кешенді көмекті жоспарлаудың және пациенттерді бағыттаудың озық тәжірибесімен алмасу. Philips Қазақстанда медициналық техника өндірісін оқшаулауға ниетті.
Бұған дейін Мемлекет басшысы Бірыңғай дистрибьютор базасында медициналық техниканы орталықтандырылған сатып алуға көшуді тапсырған болатын. Сонымен қатар, Бірыңғай дистрибьютор орталықтандыру тетіктерін әзірлеу бойынша, оның ішінде өндірісті жергіліктендіру шарттарында медициналық техниканың әлемдік өндірушілерімен жұмыс бастады.
Өндірісті жергіліктендірудің рөлі туралы айта отырып, интеграцияның жаңа кезеңіне шығу индустрияның жаңа моделіне көшу болатынын атап өткен жөн. Өндірісті жергіліктендіру деңгейін арттыру міндеттері осыған байланысты негізгі рөлдердің бірін атқарады.
Бірыңғай дистрибьютор ұзақ мерзімді шарттардың, оффтейк келісімшарттардың, лизингтік тетіктердің және «өмірлік цикл» келісімшарттарының тетіктерін пайдалана отырып, Қазақстанға медициналық техника өндірісін оқшаулау мәселелерін пысықтауда.
Сонымен қатар, Philips Healthcare R&D орталығына бару ұйымдастырылды. R&D орталығының жұмысы денсаулық сақтау саласындағы зерттеулерге, технологияларды дамытуға, сондай-ақ инновациялық әзірлемелерге бағытталған.
Фармацевтика ғылымын дамыту және әлемдік ойыншылардың қатысуымен жаңа өндірістер құру – Үкімет қабылдаған 2025 жылға дейінгі фармацевтика өнеркәсібін дамытудың кешенді жоспарының негізгі бағыттарының бірі.
Бірыңғай дистрибьютордың бастамасымен елімізде Астана, Ақтөбе және Шымкент қалаларында медициналық-фармацевтикалық кластерлер құрылды. Кластерлерді дамыту ғылыми-зерттеу институттарын, ғылыми зертханаларды, ірі медициналық жоғары оқу орындарын, өндірістік алаңдарды тарту, инвестициялық жобаларды қолдау институттарын тарту, сондай-ақ R&D орталықтарының типі бойынша еркін экономикалық және индустриялық аймақтарда кластерлерді орналастыру арқылы орынды болып табылады.
Айта кету керек, Қазақстан мен Нидерланды арасындағы экономикалық қатынастар қарқынды дамып келеді. Нидерланды – Қазақстан экономикасындағы ірі инвесторлардың бірі. Сонымен қатар ұзақ жылдар бойы қазақстандық инвесторлар арасында көшбасшылық позицияны иеленді.
Кездесу соңында тараптар бірқатар іс-шараларды ұйымдастырғаны және болашақта жемісті ынтымақтастыққа дайындығы үшін алғыс білдірді. Нидерландтық компаниялар өз кезегінде, озық цифрлық технологияларды енгізу бойынша өз тәжірибелерімен бөлісуге және Қазақстанның отандық компанияларымен ынтымақтасуға дайын.
 (14) (1).png)
.png)
.jpeg)
