.png)
Бүгін, 27 мамырда бүкіл әлемде Дүниежүзілік склероз күні атап өтіледі. Жайылған склероз (MS) – бұл орталық жүйке жүйесінің созылмалы ауруы, ол жас және еңбекке қабілетті адамдарға әсер етеді. ҚР Денсаулық сақтау министрлігінің мәліметінше, Қазақстанда 2000-нан астам адам осы диагнозбен өмір сүреді. Бұл сырқат аурудың дамуын бәсеңдетуге және симптомдарды бақылауға бағытталған дәрі-дәрмектерді қолдануды қамтитын ұзақ және жүйелі емдеуді қажет етеді.
2025 жылға Бірыңғай дистрибьютор тізбесіне «жайылмалы беріш»нозологиясы бойынша дәрілік заттардың 12 атауы кіреді. Бірыңғай дистрибьютор барлық 12 дәрі-дәрмек бойынша орталықтандырылған сатып алулар жүргізді.
Бүгінгі таңда амбулаториялық дәрілік қамтамасыз ету шеңберінде республиканың медициналық ұйымдарына 94 482 бірлік дәрілік заттар жеткізілді. Бұл сатып алынған және жеткізілген дәрі-дәрмектердің жалпы көлемінің 96%-ын құрайды, қалған бөлігі медициналық ұйымдардың белгіленген кестесі бойынша жеткізу процесінде.
Егер осы атаулар бойынша стационарлық көмек көрсету туралы айтатын болсақ, дәрі-дәрмектер медициналық ұйымдарға 100% көлемінде жөнелтілді.
Айта кетейік, Бірыңғай дистрибьютор еліміздің әрбір өңіріндегі пациенттерге қажетті дәрі-дәрмектерді кідіріссіз және толық көлемде алуын қамтамасыз ету бойынша жұмысты жалғастыруда.
Жайылған склерозбен ауыратын науқастарға арналған кеңестер:
Дәрі-дәрмектерді қабылдаудың жүйелілігін қадағалаңыз. Терапияны өткізіп жіберу – аурудың ағымын нашарлатуы мүмкін.
Егер сіз амбулаториялық дәріханада тағайындалған дәрі-дәрмектерді алмаған болсаңыз, дәрігерге хабарласыңыз – бұл медициналық ұйым арқылы мәселені тез шешуге көмектеседі.
Жоспарлы тексерулерге жазылыңыз және симптомдар күнделігін жүргізіңіз – бұл дәрігерлерге терапияны түзетуге көмектеседі.
Жағдай мүмкіндік беретіндей белсенді өмір салтын ұстаныңыз: қалыпты физикалық белсенділік пен стрессті басқару – өмір сапасын жақсартатыны дәлелденген.
Егер дәрі-дәрмекпен қамтамасыз ету бойынша сұрақтар туындаса, 1439 байланыс орталығына хабарласыңыз – медициналық білімі бар мамандар нақты уақыт режимінде кеңес береді.
