«СҚ-Фармация» ЖШС «ГЕРОФАРМ» ЖШҚ ресейлік фармацевтикалық компаниясының өкілдерімен кездесу өткізді. Тараптар өзара әрекеттесудің өзекті мәселелерін, Қазақстан аумағында өндірісті жергіліктендіру мүмкіндігін, «ГЕРОФАРМ» өнімін жергілікті нарыққа шығару келешегін, сондай-ақ жеткізу мен сатып алу тетіктерін талқылады.
Ресейлік компанияны ТМД елдеріне экспорт бөлімінің басшысы Александр Нестеренко, Қазақстан мен Қырғызстандағы «ГЕРОФАРМ» өкілдігінің директоры Людмила Воронова, мемлекеттік билік органдарымен өзара іс-қимыл және нарыққа қол жеткізу жөніндегі директор Дмитрий Нахамчен, экспорт бөлімінің жобалар тобының жетекшісі Евгения Фомина, мемлекеттік билік органдарымен өзара іс-қимыл және нарыққа қол жеткізу жөніндегі менеджер Анна Шуваева, Қазақстан аумақтық менеджері – Астана Еділбек Асылбеков.
Диалогтың негізгі мақсаты ТМККК және МӘМС бағдарламасы шеңберінде қажетті өнімдерге баса назар аудара отырып, қазақстандық фармацевтикалық нарығындағы инновациялық дәрілік заттар тізімін кеңейту мүмкіндіктерін зерделеу болды.
Ресей тарапы ГЕРОФАРМ портфеліндегі негізгі дәрі-дәрмектерді, соның ішінде өз өндірісіндегі инсулиндерді, сондай-ақ Семавик (Семавик) – 2-типті қант диабетін емдеуде қолданылатын семаглутид негізіндегі дәрі-дәрмегімен таныстырды. Компанияның өнімдері клиникалық тәжірибеде қолданылады және халықаралық сапа стандарттарына сәйкес келеді. Компания өкілдері өздерінің стратегиялық серіктесі «Қарағанды фармацевтикалық кешені» ЖШС алаңында жаңа молекулалар өндірісін жергіліктендіруді кеңейтуге қызығушылық білдірді.
«ГЕРОФАРМНЫҢ» инсулиндері Ресей нарығында өзінің тиімділігін дәлелдеді. Біз өзіміздің географиялық ауқымымызды кеңейтуге мүдделіміз, ал Қазақстан – маңызды стратегиялық бағыттардың бірі. Біз өндірісті жергіліктендіруде және СҚ-Фармация және ҚФК сияқты сенімді серіктестермен ұзақ мерзімді ынтымақтастықты дамытуда жоғары әлеуетті көріп отырмыз. Мұндай жобалар халықаралық кооперацияның және жалпы біздің елдеріміз арасындағы қатынастарды дамытудың жарқын мысалы болып табылады», - деп атап өтті «ГЕРОФАРМ» компаниясының ТМД елдеріне экспорт бөлімінің басшысы Александр Нестеренко.
Өз кезегінде, қазақстандық тарап дәрілік заттарды мемлекеттік сатып алу тетіктерін, реттеуші талаптарды егжей-тегжейлі түсіндірді, сондай-ақ одан әрі ілгерілету шеңберінде ҚР Денсаулық сақтау министрлігінің және Дәрілік заттар мен медициналық бұйымдарды сараптаудың Ұлттық орталығының өкілдерімен кездесуді ұсынды.
Өзара тиімді ынтымақтастықты жолға қою жөніндегі бастама Қазақстан Республикасының фармацевтика өнеркәсібін дамытуға, технологиялар трансферіне және жергілікті өндірістің үлесін арттыруға бағытталған.
.jpg)
.jpg)
