Көктемнің басталуымен көптеген қазақстандықтар маусымдық аллергиялық реакцияларға тап болады. Алайда, аллергияға қарсы тегін дәрі-дәрмектер бәріне бірдей қол жетімді емес – олар негізінен аллергиялық ринитпен ауыратын балаларға міндетті әлеуметтік медициналық сақтандыру аясында беріледі.
Статистикаға сәйкес, әлем халқының 40%-ы аллергиялық аурулардан зардап шегеді, Қазақстанда 14 мыңға жуық адам есепте тұр. Біздің елімізде аурудың ауырлығына байланысты аллергодиагностиканың барлық түрлері тегін медициналық қызметтер тізіміне енгізілген.
2025 жылға Бірыңғай дистрибьютор тізбесіне антигистаминдік препараттардың 9 атауы кіреді. Бүгінгі таңда 185,87 млн. теңге сомасына жалпы саны 7 545 347 дәрілік заттардың 8 атауы сатып алынды, сатып алу рәсімдері бүгінгі күнге дейін жалғасуда.
Амбулаториялық дәрі-дәрмекпен қамтамасыз ету шеңберінде республиканың медициналық ұйымдарына 3,59 млн. теңге сомаға жеткізу жүзеге асырылды. Осы атаулар бойынша стационарлық көмек көрсету үшін еліміздің медициналық мекемелеріне 48,01 млн. теңге сомасына жөнелту жүзеге асырылды.
Медициналық ұйымдарды үздіксіз дәрілік қамтамасыз ету мақсатында препараттарды дистрибуциялау кесте бойынша жүзеге асырылады, ал қорларды бақылау нақты уақыт режимінде ақпараттық жүйелер арқылы жүргізіледі.
Дәрігерлердің ұсыныстары:
• Антигистаминдерді алдын-ала бастаңыз, әсіресе маусымдық аллергиясы бар адамдар.
• Тиімді емдеуді таңдау үшін аллергия белгілері пайда болған кезде дәрігерге қаралыңыз.
• Алдын алу шараларын сақтау – аллергендермен байланыста болмау және желді ауа-райында қорғаныс маскаларын кию.
Естеріңізге сала кетейік, СҚ-Фармация кез-келген маусымда азаматтардың денсаулығына ықпал ете отырып, халықты сапалы және уақтылы дәрі-дәрмекпен қамтамасыз етуді жалғастыруда.
