.jpg)
Бірыңғай дистрибьютор алаңында «СҚ-Фармация» ЖШС-ның Басқарма төрағасы Еркен Жакатай «Қарағанды фармацевтикалық кешені» отандық фармацевтикалық компаниясының («ҚФК» ЖШС) өкілдерімен кездесу өтті.
«ҚФК» ЖШС атынан бас директор Сергей Барон, маркетинг жөніндегі директор Ерікбек Ағатанов және нарыққа қол жеткізу жөніндегі директор Бауыржан Көшембаев қатысты.
Бүгінгі таңда Қарағанды фармацевтикалық кешені онкология, сирек кездесетін аурулар, гемофилия, кардиология, ревматоидты артрит, қант диабеті және т. б. сияқты әлеуметтік маңызы бар ауруларды емдеу үшін технологиялар трансфертін және 15 биотехнологиялық дәрілік заттар өндірісін жүзеге асырады.
Кездесу барысында «ҚФК» ЖШС бас директоры Сергей Барон атап өткендей, осының арқасында өмірлік қажетті дәрі-дәрмектердің бағасы импорттық аналогтармен салыстырғанда орта есеппен 30% - ға төмендеді.
Айта кетейік, Қарағанды фармацевтикалық кешені - Қазақстандағы гендік-инженерлік дәрілік препараттардың алғашқы және жалғыз өндірушісі болып табылады. Компанияның өндірістік желілері заманауи жоғары технологиялық жабдықтармен жабдықталған. Жыл сайын «КФК» ЖШС нарыққа ауыр сырқаттарды емдеуге арналған жаңа жоғары технологиялық препараттарды шығарады.
Бірыңғай дистрибьютор үшін отандық тауар өндірушілерді қолдау – бұл дәрілік заттар мен медициналық бұйымдарды жеткізуге қазақстандық фармкомпаниялармен ұзақ мерзімді шарттар жасасуда көрініс табатын қызметтің басым бағыттарының бірі.
Бірыңғай дистрибьютор мен «ҚФК» ЖШС-нің бірлескен ынтымақтастығы Қазақстанның жоғары технологиялық фармацевтикалық индустриясын дамытуға бағытталғанын атап өту маңызды, бұл өз кезегінде отандық препараттар өндірісін ұлғайтуға және биологиялық препараттардың құнын төмендетуге мүмкіндік береді.
Кездесу қорытындысы бойынша тараптар одан әрі ынтымақтастық жөнінде уағдаластыққа қол жеткізді.
