17 қарашада Қазақстандық жаһандық инвестициялар жөніндегі дөңгелек үстел аясында «СҚ-Фармация» Бірыңғай дистрибьюторы мен Pfizer халықаралық биофармацевтикалық компаниясы арасында ұзақ мерзімді шартқа қол қойылды. Осы келісім шеңберінде американдық фармгигант Pfizer Қазақстанға инновациялық вакцинаның келісімшарттық өндірісін ұйымдастырған сәттен бастап 10 жыл бойы 20 валентті пневмококкты конъюгацияланған вакцинаны жеткізуді жүзеге асыруға міндеттенеді.
Вакцинаны 2009 жылдан бастап мемлекеттік бюджет қаражаты есебінен сатып алынатын дәрілік заттарды денсаулық сақтау ұйымдарына беру үшін орталықтандырылған сатып алуды ұйымдастырушы болып табылатын Бірыңғай дистрибьютор сатып алатын болады. Құжатқа қол қою үшін Қазақстанға Таяу Шығыс, Ресей және Африка (MERA) өңіріндегі компанияның өңірлік Президенті Патрик ван дер Лу келді.
Қазақстан Еуразия өңірінде және Орталық Азия елдерінде
осы вакцина мемлекеттік тіркеу рәсімінен өткен бірінші ел болды.
Республика сонымен қатар Pfizer осы вакцинаның
келісімшарттық өндірісін құруды жоспарлап отырған
әлемдегі алғашқы аймақ болып табылады.
Бұл ынтымақтастық Үкіметтің Фармацевтика өнеркәсібін дамытудың кешенді жоспары шеңберінде саланың негізгі ойыншыларын халықаралық деңгейде тарту жөніндегі бастамаларының арқасында мүмкін болды. Әлемдік фармацевтикалық индустрияның жетекші өкілдерімен ынтымақтастықтың арқасында тәжірибе алмасу және технологиялар трансфері үшін қазақстандық өндірушілер алаңдары базасында келісімшарттық өндірісті ұйымдастыруға дайындық бойынша үлкен жұмыс жүргізілді.
Американдық фармацевтикалық алпауыт Pfizer барлық негізгі басымдықтар бойынша алдыңғы қатарда. Мысалы, өткен жылы компания дәрі-дәрмек өндірушілерінің кірістер тізімінде көш бастап, 2022 жылы 100,3 миллиард доллар табыс тапты, бұл компания үшін барлық уақыттағы рекордтық көрсеткіш болды. Бұл бағытта Pfizer 2023 жылдың қорытындысы бойынша әлеуетті серпінді дәрі-дәрмектер мен вакциналарды жасау бойынша ғылыми-зерттеу жобаларын ілгерілетудің арқасында жетекші орынға ие болды.
Мемлекет басшысы жаһандық фармакорпорациялармен ынтымақтастықты жандандырудың, инвесторларды тартудың, технологиялар трансфері мен жаңа әзірлемелерді қамтамасыз етудің маңыздылығын бірнеше рет атап өтті, сондай-ақ 2025 жылы отандық өндірістегі дәрілік заттар мен медициналық бұйымдардың үлесін 50%-ға дейін жеткізуді тапсырды.
Ағымдағы жылдың ақпан айында Pfizer, Қазақстан Республикасының Денсаулық сақтау министрлігі және Қазақстан Республикасының Сыртқы істер министрлігі арасында жобаны іске асыру жөніндегі Жол картасына қол қойылды.
Бұл күш-жігер мемлекеттік қолдау шараларының арқасында отандық өнеркәсіпті үдемелі дамыту және оны кластерлеу үшін кешенді тәсілдің үлгісі болып табылады. Бірыңғай дистрибьютор, өз кезегінде, 2009 жылдан бастап дәрілік заттарды ұзақ мерзімді сатып алуды, ал қазір – жергілікті алаңдар базасында келісімшарттық өндірістің тапсырыс берушілерінен де сатып алуды қамтамасыз ете отырып, осы шаралардың жетекшісі болып табылады.
«Қазіргі заманғы дәрі-дәрмектердің, оның ішінде вакциналардың қолжетімділігін қамтамасыз ету – Қазақстанда денсаулық сақтауды дамытудың басым бағыттарының бірі. Біз азаматтарды ұзақ мерзімді перспективада қажетті медициналық шешімдермен үздіксіз қамтамасыз етудің тиімді жүйесін құру мақсатын көріп отырмыз – бұл біздің Pfizer компаниясымен серіктестігіміз, ол 10 жылдан астам сәтті жалғасып келеді. Ал бүгін біздің жемісті ынтымақтастығымыздың жаңа кезеңі басталады. Бұл ретте Pfizer-мен жасалған шарт – бұл біздің шетелдік тапсырыс беруші компаниямен түпнұсқалы патенттелген дәрі-дәрмекке келісімшарттық өндіріске алғашқы ұзақ мерзімді келісімшартымыз және бұл маңызды оқиға компанияның қазақстандық нарықта жергіліктендірілуге деген ұмтылысының арқасында мүмкін болды», - деп атап өтті «СҚ-Фармация» ЖШС-і Басқарма Төрағасы Ерхат Искалиев.
Пневмококк инфекциясына қарсы Вакцинация 2010 жылдан бастап Қазақстанның Ұлттық профилактикалық егу күнтізбесіне кіреді. Жаппай иммундау басталғанға дейін пневмония елдегі 1 жасқа дейінгі балалар өлімінің жетекші себептерінің бірі болды[1]. Ұлттық күнтізбеге вакцинацияны енгізу осы жас тобындағы балалар арасында өлім-жітім деңгейін 2,5 еседен астам төмендетуге мүмкіндік берді[2]. Пневмококк инфекциясы Қазақстан азаматтарының денсаулығына ғана емес, ел экономикасына да айтарлықтай зиян келтіреді. Вакцинопрофилактика халықтың денсаулығын сақтауға да, ұзақ мерзімді перспективада қаржылық ауыртпалықты азайтуға да көмектеседі[3]: бұл пациенттер мен олардың отбасыларының еңбекке қабілеттілігін уақытша жоғалтуға жол бермей[4], ауруханаға жатқызу санын азайтуға ықпал етеді[5].
Қазақстан Pfizer компаниясы үшін стратегиялық маңызды бағыт болып табылады. Ол көптеген жылдар бойы дәрі-дәрмектердің, соның ішінде вакциналардың әртүрлі портфолиосын жеткізіп келеді. Компания ұсынатын инновациялық емдеу шешімдерге қазақстандықтардың қолжетімділігін кеңейту үшін жаңа мүмкіндіктерді іздеу бүгінгі күнге дейін жалғасуда. Осылайша, жасалған шартқа сәйкес, Pfizer алдағы үш жыл ішінде ел аумағында жаңа пневмококкты вакцинаның келісімшарттық өндірісін ұйымдастыруды жоспарлап отыр, содан кейін келесі 10 жыл бойы жергіліктендірілген вакцинаны жеткізуді жүзеге асырады.
20 валентті конъюгацияланған пневмококкты вакцинаны
осы айдың басында ересектер арасында қолдану үшін ҚР ДСМ тіркеді.
Ол Қазақстанда және әлемде кеңінен қолданылатын 13 валентті
пневмококкты вакцина негізінде құрылған және бүгінгі таңда қол жетімді
барлық конъюгацияланған вакциналар арасында пневмококктың
серотиптерін барынша кең қамтуды қамтамасыз етеді.
Қазіргі уақытта инновациялық вакцина әлемнің кем дегенде
40 елінде ересектер арасында қолдануға рұқсат етілген.
Ересектерді пневмококк инфекциясына қарсы иммундаудың маңыздылығын бүкіл әлемдегі медициналық қауымдастық өкілдері атап көрсетеді[6]: бұл инфекция пневмококкты пневмонияны тудыруы мүмкін[7], ересектерді жиі ауруханаға, соның ішінде қарқынды емдеу бөліміне жатқызуды қажет етеді[8]. Кең қауіпті топтарда ауру асқынулармен бірге жүруі мүмкін. Олардың қатарында – никотин бар өнімдерді тұтынатын егде жастағы адамдар (65+), темекі шегетіндер, сондай-ақ созылмалы сырқаттары бар және иммунитеті әлсіреген адамдар бар[9]. Сондықтан халықтың кең топтары үшін осы қауіпті инфекциядан қорғаудың заманауи құралдарына қол жетімділікті қамтамасыз ету қажет.
«Мен, бүгін, Қазақстанда болуымды және «СҚ-Фармациямен» осы келісімге қол қойғанымды мақтан тұтамын. Pfizer-дің әртүрлі инновациялық вакциналарды әзірлеу және нарыққа шығару бойынша көп жылдық тәжірибесі бар, бұл пациенттерге осы тиімді медициналық шешімдерге қажет кезде қол жеткізуге мүмкіндік береді. Серіктестік – біз үшін маңызды әрі құнды құрал, біздің ең озық шешімдерімізге пациенттердің қол жеткізуін қамтамасыз ету күш біріктірусіз мүмкін емес еді», – деп атап өтті Таяу Шығыс, Ресей және Африка (MERA) аймағындағы Pfizer өңірлік президенті Патрик ван дер Лоо.
Американдық фармгигант Pfizer-мен ынтымақтастық Қазақстанға жаңа технологияларды ғана емес, өзінің бүкіл денсаулық философиясын әкеледі. Денсаулық философиясы – денсаулықты түсіну мен оған жетудің кешенді тәсілі. Бүгін біз медициналық көмек көрсету тәжірибесін, Денсаулық сақтау жүйесін және жалпы әлемді өзгертетін технологиялардың өсіп келе жатқанын көріп отырмыз. Бүгінгі таңда компания өндірісті жергіліктендіруден басқа, ынтымақтастықты жалғастыруға және елде бірқатар бірлескен жобаларды жүргізуге ниетті.
Тараптардың өзара іс-қимылының маңызды аспектісі – білім беру жобалары мен ғылыми-медициналық қызметтегі ынтымақтастықты тереңдету жоспарлары болып табылады. Pfizer компаниясының инвестициялық стратегиясына Қазақстандағы адами капитал мен дағдыларды дамытуды қолдау, жергілікті медицина студенттері, зерттеушілер мен медицина қызметкерлері үшін білім беру бағдарламалары мен мүмкіндіктерін дамыту кіреді.
Бұдан басқа, компания жергілікті университеттермен, ғылыми-зерттеу институттарымен және инновациялық орталықтармен ынтымақтаса отырып, Қазақстанда ғылыми медициналық қызметті ілгерілетуге және дамытуға жәрдемдесуді жалғастырады.
Бүгінгі маңызды оқиға – Қазақстанның BigPharma-мен, атап айтқанда Pfizer халықаралық фармацевтикалық компаниясымен алғашқы ұзақ мерзімді шарттарының біріне қол қою – елдегі саланың одан әрі серпінді дамуына импульс беретіні сөзсіз. Тараптар перспективалық әрі жемісті ынтымақтастыққа және стратегиялық әріптестікті одан әрі нығайтуға сенім білдірді.
Анықтамалық:
Pfizer – жетекші халықаралық биофармацевтикалық компаниялардың бірі және перспективалы емдеу салаларында инновациялық фармацевтикалық дәрі-дәрмектер мен вакциналардың кең портфолиосына ие. Компания әлемнің 180-нен астам елінде ұсынылған, күн сайын қазіргі заманғы ең ауыр аурулардың алдын алу мен емдеуді жақсарту үшін жұмыс істейді. Pfizer жыл сайын жаңа дәрі-дәрмектер мен вакциналарды зерттеуге және әзірлеуге 10 миллиард доллардан астам инвестиция салады.
«СҚ-Фармация» ЖШС-і – Бірыңғай дистрибьютор жүйесі тегін медициналық көмектің кепілдік берілген көлемі шеңберінде және әлеуметтік медициналық сақтандыру жүйесінде халықты дәрілік заттармен қамтамасыз ету, Қазақстан Республикасының фармацевтика саласының орнықтылығы мен бәсекеге қабілеттілігін арттыру, дәрілік заттарды мемлекеттік сатып алуды шоғырландыру жолымен фармацевтика өнеркәсібін дамыту мақсатында құрылған.
