Бірыңғай дистрибьютор 2025 жылға арналған тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру жүйесі (МӘМС) үшін дәрілік заттар мен медициналық бұйымдарды сатып алу бойынша жұмысты алдын ала бастады.
Осы кезеңде медициналық ұйымдардан өтінімдерді мұқият тексеру жүргізіледі, қажетті дәрі-дәрмектер мен бұйымдардың тізбесі қалыптастырылады, сондай-ақ халықты үздіксіз қамтамасыз ету үшін басым бағыттар айқындалады.
2025 жылға арналған негізгі міндеттер – тұрақты жабдықтау үшін жеткізушілермен шарттар жасасу, өңірлерге уақтылы жеткізу үшін логистикалық процестерді оңтайландыру, өмірлік маңызды дәрі-дәрмектердің қолжетімділігін қамтамасыз ету. Отандық фармацевтика өнеркәсібінің дамуын қолдай отырып, жергілікті өндірушілермен белсенді ынтымақтастық жалғасуда.
Бүгінгі таңда СҚ-Фармация 1 478 дәрілік заттар мен медициналық бұйымдарды сатып алды және жеткізу шарттарын жасасты. Валюта бағамының өзгеруіне қарамастан, сатып алу қорытындысы бойынша үнемдеу 54,6 млрд.теңгеден асты, бұл 2024 жылғы үнемдеуден 4,6 млрд. теңгеге жоғары. Үнемдеу сомасының ұлғаюына неғұрлым қолжетімді бағаларды ұсынған халықаралық ұйымдар арқылы сатып алу көлемінің өсуі есебінен қол жеткізілді. Бұл қамтуды ұлғайтуға және белгіленген бағамен аймақтар үшін қосымша қажеттілікті сатып алуға мүмкіндік береді.
Бірыңғай дистрибьютор сатып алынатын тауарлардың сапасына ерекше назар аударады: барлық дәрі-дәрмектер мен медициналық бұйымдар халықаралық стандарттарға сәйкестігіне қатаң бақылаудан өтеді. Біз Қазақстанның әрбір азаматына қажетті уақытта сапалы дәрі-дәрмектер мен медициналық бұйымдарға қол жеткізуді қамтамасыз етуге тырысамыз.
