СҚ-ФАРМАЦИЯ: ҚАНТ ДИАБЕТІМЕН АУЫРАТЫН НАУҚАСТАР ДӘРІ-ДӘРМЕКПЕН 91%-ға ҚАМТАМАСЫЗ ЕТІЛДІ

Амбулаториялық және стационарлық дәрі-дәрмекпен қамтамасыз ету шеңберінде Бірыңғай дистрибьютор қант диабетімен ауыратын науқастар үшін дәрілік заттар мен медициналық бұйымдардың 60 атауын сатып алады (әртүрлі дәрілік формалар мен дозаларды ескере отырып).

2025 жылға сатып алу 50 атау бойынша жүзеге асырылды, оның ішінде:

• 14 атауды отандық өндірушілер – «Абди Ибрахим Глобал Фарм» ЖШС-і және «Нобель Алматы фармацевтикалық фабрикасы» АҚ-ы жеткізеді;
• Қалған дәрі-дәрмектер мен медициналық өнімдер АҚШ, Германия, Италия, Дания, Бразилия, Франция және Қытайдың жетекші өндірушілерінен келеді.

Сатып алынбаған дәрі-дәрмектерге келетін болсақ, өндірістен шығарылған инсулиндердің 10 атауы ҚР Денсаулық сақтау министрлігінің Формулярлық комиссиясының шешімі бойынша Бірыңғай дистрибьютор тізбесінен шығарылды.

Осылайша, қаңтар және ақпан айларында Қазақстанның медициналық ұйымдары 55 587 718 бірлік дәрілік заттар мен медициналық бұйымдарды сатып алуға және жеткізуге өтінім берді. Бірыңғай дистрибьютор тарапынан осы өтінімдер бойынша медициналық мекемелердің атына 50 847 317 бірлік дәрілік заттар мен медициналық бұйымдар жөнелтілді. Бұл сатып алынған және жеткізілген дәрі-дәрмектердің жалпы көлемінің 91%-ын құрайды, қалған бөлігі жеткізу процесінде.

Айта кету керек, біз дәрі-дәрмектерді екі деңгейде тегін дәрі-дәрмекпен қамтамасыз ету үшін сатып аламыз және жеткіземіз: стационарлық – ауруханаларда дәрі-дәрмекпен емдеу; амбулаториялық – емханаларда рецепт бойынша дәрі-дәрмектерді алу. Сатып алу стационарлық көмек шеңберінде медициналық ұйымдардың және амбулаториялық дәрі-дәрмекпен қамтамасыз ету шеңберінде әлеуметтік медициналық сақтандыру қорының өтінімдері негізінде қатаң түрде жүргізіледі. Медициналық ұйымдар дәрі-дәрмектер қажеттілігін өздері анықтайды: өтінімдерінде дәрінің атаулары, дозалары, шығару формалары, жеткізу көлемі мен кестесін өздері пысықтап көрсетеді.  

Жеке дәріханалардағы іркілістер мен тапшылықтар СҚ-Фармация қызметіне кірмейді. Біз күш-жігерімізді ТМККК және МӘМС шеңберінде тегін дәрілік қамтамасыз етуді қамтамасыз етуге жұмылдырамыз. Бөлшек сауда сегментіне қатысты барлық сұрақтар дәріхана иелері мен олардың жеткізушілеріне жолданылуы тиіс.

СҚ-Фармация пациенттерді қант диабетін емдеуге арналған сапалы және тиімді дәрі-дәрмектермен қамтамасыз ету бойынша жұмысты жалғастыруда.