.png)
«СҚ-Фармация» және «Доктор Реддис Қазақстан» кездесу өткізіп, оның барысында ынтымақтастық перспективалары мен Қазақстан аумағында келісімшарттық өндірісті жергіліктендіру мүмкіндігі талқыланды.
«Доктор Реддис Қазақстан» өкілдері жылы қабылдау үшін алғыс білдіріп, компанияның жұмысын таныстырып, өздерінің өндірістік қуаттары мен сапа стандарттарына назар аударды.
Dr. Reddy ' s Laboratories – халықаралық деңгейде танымал, Үндістанда дәрі-дәрмек сатылымы бойынша екінші орын алатын жетекші фармацевтикалық компания. Компания сапалы дәрі-дәрмектерге қолжетімділікті арттыру және өз қызметінің географиясын кеңейту бойынша белсенді жұмыс жүргізуде.
Олардың пікірінше, «СҚ-Фармациямен» ықтимал әріптестік Қазақстанның фармацевтика саласын нығайту және халыққа өмірлік маңызды дәрі-дәрмектердің қолжетімділігін арттыру үшін жергілікті өндірісті дамыту жолындағы маңызды қадам болады.
Кездесу соңында Бірыңғай дистрибьютор ірі компаниялармен теңдесі жоқ бірегей жоғары сапалы препараттарды жергіліктендіру бағытында ынтымақтастықты қолдауға дайын екендігін білдірді.
.png)
.png)
