«СҚ-ФАРМАЦИЯ» ЖӘНЕ «ҚАЗПОШТА» МЕДИЦИНАЛЫҚ БҰЙЫМДАРДЫҢ ЛОГИСТИКАСЫН ЖАҚСАРТУ ҮШІН КҮШ БІРІКТІРЕДІ

Ақмола облысында медициналық бұйымдар логистикасы бойынша пилоттық жоба басталды.

Денсаулық сақтау саласындағы бірыңғай дистрибьютор «СҚ-Фармация» ЖШС «Қазпошта» АҚ Ұлттық пошта байланыс операторымен бірлесіп медициналық бұйымдардың логистикасын оңтайландыруға бағытталған пилоттық жобаны іске қосты. Жоба шеңберінде «Қазпошта» АҚ өзінің логистикалық қуатын пайдалана отырып, медициналық бұйымдарды сақтау және тасымалдау қызметтерін өтеусіз негізде ұсынады.

Ынтымақтастықтың негізгі артықшылықтары:

• Заманауи қоймалар. Қойма алаңдары температуралық режим, ылғалдылық және санитарлық нормаларға сәйкес келеді, бұл медициналық бұйымдардың сапасын сақтауға кепілдік береді.
• Кең жеткізу географиясы. Өнімді Қазақстанның кез келген өңірлеріне, соның ішінде шалғайдағы елді мекендерге жылдам және сенімді жеткізу.
• Технологиялылық. Нақты уақыт режимінде жүктерді бақылау мүмкіндігі.
• Стандарттарды сақтау. Ұлттық стандарттарға толық сәйкестігі, сондай-ақ мемлекеттік органдар үшін есептілік жүргізу.

Логистика басқармасының бастығы Сәкен Мелдебаев жобаның маңыздылығын атап өтті:

«Бұл жоба бізге логистикалық процестерді айтарлықтай оңтайландыруға және еліміздің ең шалғай өңірлерінде медициналық бұйымдардың қолжетімділігін қамтамасыз етуге мүмкіндік береді. «Қазпошта» АҚ-мен келіссөздер олардың кең инфрақұрылымды пайдалана отырып, сапалы сервис ұсынуға дайын екендігін растады. Бұл ынтымақтастық біздің жұмысымыздың тиімділігін арттырудағы маңызды қадам болатынына сенімдімін».

Жоба ынтымақтастық туралы келісім және өтеусіз қызмет көрсету шарты шеңберінде іске асырылады. Екі ұлттық оператор арасындағы бұл әріптестік бүкіл ел бойынша медициналық бұйымдармен қамтамасыз етудің қолжетімділігі мен ашықтығын арттыруға ықпал етеді.