«СҚ-Фармация» ЖШС дәрі-дәрмектердің сапасы мен қауіпсіздігін өз жұмысындағы басты басымдықтар деп санайды. Бірыңғай дистрибьютор Қазақстанның пациенттерін жоғары стандарттарға сәйкес келетін сенімді және тиімді дәрілік заттармен қамтамасыз етуге ұмтылады.
Бақылауға кім жауапты:
Дәрі-дермектер өндірушілері
Қазақстанға келіп түсетін дәрілік заттарды сертификатталған өндірушілер дайындайды, олар GMP (тиісті өндірістік практика) сияқты халықаралық сапа стандарттарын сақтауға міндетті.
Мемлекеттік органдар
ҚР «Халық денсаулығы және денсаулық сақтау жүйесі туралы» Кодексіне сәйкес дәрілік заттардың сапасын бақылау жүйесі барлық сатыларда жұмыс істейді. Дәрілік заттардың сапасы мен қауіпсіздігін реттеудің негізгі элементі мемлекеттік тіркеу болып табылады, оның алдында олардың тиімділігін, қауіпсіздігі мен сапасын кешенді бағалау жүргізіледі. Онсыз дәрілік зат қазақстандық нарыққа кіргізілмейді.
Мемлекеттік тіркеу қалай жүргізіледі:
Дәрілік заттар мен медициналық бұйымдарды сараптау ұлттық орталығының қызметкерлері дәрі-дәрмектің барлық құжаттамасына, оның клиникалық және клиникаға дейінгі сынақтары туралы деректерге мұқият талдау жасап, сондай-ақ келіп түскен дәрілік заттардың зертханалық сынақтарын да жүргізеді.
Дәрі-дәрмектерді сараптау үш кезеңнен тұрады:
Осы қорытынды негізінде ҚР ДСМ Медициналық және фармацевтикалық бақылау комитеті тіркеу куәлігін береді.
Маркетингтен кейінгі бақылау:
Мемлекеттік тіркеу арқылы нарыққа кіру рәсімінен басқа, біздің елімізде дәрі-дәрмектер мен медициналық өнімдер нарыққа шыққанға дейін сапаны қамтамасыз ету жүйесі бар. Ол үшін елге әкелінген немесе өндірілген әрбір серияның және медициналық қолдануға арналған өнім партиясының сапасы бағаланады, жанама әсерлерге мониторинг жүргізіледі, сапаны зертханалық растауды жүргізу үшін нарықтан үлгілер іріктеледі.
Дәрілік заттар мен медициналық бұйымдарды сараптаудың ұлттық орталығы ҚР ДСМ Медициналық және фармацевтикалық бақылау комитетімен бірлесіп, оларды қолдану кезеңінде тұрақты фармакологиялық қадағалау жүргізеді. Орталық жағымсыз реакциялар туралы хабарламаларды тіркейді, оларға талдау жүргізеді, реакция мен дәрі-дәрмекті қабылдау арасындағы себеп-салдарлық байланысты зерттейді және сараптамалық қорытынды жасайды.
Ақпаратқа қоғамдық қол жетімділік:
www.ndda.kz сайтында дәрілік заттар мен медициналық бұйымдардың мемлекеттік тізілімі орналастырылған. Онда әрбір тіркелген дәрі-дәрмек туралы толық ақпарат бар: атауы, өндірушісі, тіркелген күні, шығарылым нысаны, дозасы, қолдану жөніндегі нұсқаулық және жіберу туралы мәліметтер (рецепт бойынша немесе онсыз).
Осы тізбектегі Бірыңғай дистрибьютордың рөлі:
Біз мемлекеттік органдар мақұлдаған дәрі-дәрмектерді ғана сатып алуды және логистиканы ұйымдастырамыз. Сонымен қатар, біздің команда жеткізу тізбегінің барлық кезеңдерінде дәрі-дәрмектерді сақтау және тасымалдау шарттарының сақталуын үнемі тексеріп отырады.
Сондай-ақ, біздің тарапымыздан тексерілген жеткізушілермен ынтымақтастық, қоймалар мен көлік құралдарындағы сақтау жағдайларын бақылау, дәрі-дәрмектердің сапа стандарттарына сәйкестігін үнемі тексеру және ықтимал проблемаларды шешуде жедел әрекет ету үшін медициналық мекемелер мен пациенттердің кері байланысы тұрақты негізде бақыланады.
