.png)
Халықаралық ынтымақтастық аясында Бірыңғай дистрибьютордың Rusan Pharma фармацевтикалық компаниясының өкілдерімен кездесуі өтті. Компанияны басқарма төрағасы, доктор Н. Саксен және басқарушы директор Кунал Саксен таныстырды. Сондай-ақ кездесуге Rusan Pharma-ның Қазақстандық серіктесі – Axion Resources KZ-тың басшылығы қатысты.
Кездесудің негізгі тақырыбы Қазақстанда толық циклді фармацевтикалық өндірісті құруға баса назар аудара отырып, екіжақты стратегиялық әріптестік перспективаларын талқылау болды.
Айта кетейік, Rusan Pharma – дәрілік препараттар мен субстанцияларды әзірлеуді, өндіруді, сатуды және экспорттауды жүзеге асыратын халықаралық нарықта 30 жылдық тәжірибесі бар кәсіпорын.
Бүгінгі таңда компания әр түрлі формада жоғары тиімді фармацевтикалық препараттарды шығарады және Үндістанда өзінің R&D орталығы мен клиникалық зерттеулер орталығы бар.
Естеріңізге сала кетейік, бұл Rusan Pharma өкілдерінің «СҚ-Фармацияға» алғашқы келуі емес. Бұған дейін тараптар Еуразиялық кеңістік елдеріне және басқа өңірлерге экспорттау үшін препараттардың толық ассортименті бар халықаралық фармацевтикалық компанияның Қазақстан нарығына шығуы және ҚР-да толық циклді фармацевтикалық өндіріс салу мәселесін көтерген болатын.
Rusan Pharma өз технологиялары мен жергілікті мамандарды оқытуды ұсына отырып, қазақстандық нарықтың қажеттіліктерін қанағаттандыруға ниетті. Кездесу қорытындысы бойынша тараптар осы бағыттағы ынтымақтастықты жалғастыруға және жақын болашақта нақты келісімге келуге уағдаластыққа келді.
.png)
