Орфандық сырқаттары бар балаларға дәрілік заттарды жеткізудің қалыптасқан жағдайы бойынша СҚ-Фармация «Қазақстан халқына» ҚҚ-мен бірлескен барлық жобаларды аяқтау үшін ҚР Бәсекелестікті қорғау және дамыту агенттігіне хат жолдады.
Нәтижесінде ҚР Бәсекелестікті қорғау және дамыту агенттігінің қолдауымен Меморандум шеңберінде қалған жобалар толық көлемде орындалатын болады.
Осылайша, СҚ-Фармация Меморандум шеңберінде сатып алынған дәрілік заттарды еліміздің барлық өңірлеріне өтеусіз негізде қабылдауды, сақтауды және тасымалдауды жүзеге асырады.
Естеріңізге сала кетейік, Меморандумға сәйкес, СҚ-Фармация жеткізушілерді іздеуге жәрдемдеседі, «Қазақстан халқына» ҚҚ сатып алатын дәрі-дәрмектерді сақтайды және ел ішінде жеткізеді.
Меморандум аясында өз міндеттемелерін орындай отырып, бүгінгі күнге дейін СҚ-Фармация тарапынан бірлесіп жасалған 4 жоба толығымен орындалды. 3 жоба «Қазақстан халқына» ҚҚ келісу процесінде екендігін атап өткен жөн.
СҚ-Фармация – әлеуметтік жауапты компания, және ол үшін пациенттің денсаулығы басым фактор болып табылады.
