.jpg)
Бірыңғай дистрибьютор басшысы Еркен Жакатай «Dolce» қазақстандық фармацевтикалық компаниясының өкілдерімен кездесу өткізді. Кездесу барысында тараптар екіжақты ынтымақтастық мәселелерін талқылады.
«Dolce» компаниясының атынан Басқарма төрағасы Сәуле Макишева, коммерциялық директор Залия Нурумбетова және GR менеджері Марлен Муканов қатысты.
Бүгінгі таңда Бірыңғай дистрибьютор мен «Dolce» ЖШС арасында медициналық бұйымдардың 66 атауын жеткізуге екі ұзақ мерзімді шарт жасалды.
Айта кетейік, отандық фармацевтикалық өнімдердің үлесін арттыруға бағытталған мемлекеттік қолдау шараларының бірі отандық фармацевтикалық компаниялармен ұзақ мерзімді шарттар жасасу болып табылады.
Кездесу соңында тараптар ұзақ мерзімді шарттарды іске асыру мәселелері бойынша екіжақты диалогты одан әрі дамытуға бағытталғанын растады.
Еске салсақ, «Dolce-Pharm» бренді бар «Dolce» ЖШС нарықта 26 жыл болды. Компанияның 8 өндірістік цехы бар. Олар шприцтер, пластмассадан жасалған бұйымдар, респираторлар, тоқыма емес материалдан жасалған бір реттік медициналық бұйымдар және т. б. шығарады. Еліміздің әр емдеу мекемесінде Dolce өнімдері қолданылады.
2020 жылдан бастап пандемия жағдайында өндірістік қуаттылық ұлғайтылды, бұл елдегі бір реттік медициналық өнімдердің қажеттілігін қамтамасыз етуге мүмкіндік берді. 2023 жылы компания шприц шығаратын жаңа зауыт ашты.
.jpeg)
