2024 жылғы 3 маусымда «СҚ-Фармация» ЖШС-і Басқарма Төрағасы Ерхат Серікұлы Искалиев тараптардың келісімі бойынша өз өкілеттігін тоқтату туралы өтініш берді.
Компанияның Жарғысына сәйкес Басқарма Төрағасын сайлау және оның өкілеттігін тоқтату туралы шешімді жалғыз қатысушы – Қазақстан Республикасы Денсаулық сақтау министрлігі Қазақстан Республикасы Қаржы министрлігінің Мемлекеттік мүлік және жекешелендіру комитетімен келісім бойынша қабылдайды.
Тиісті келісімнен кейін Қазақстан Республикасының Денсаулық сақтау министрлігі 2024 жылғы 18 маусымда Ерхат Искалиевтің өкілеттігін тоқтату туралы бұйрыққа қол қойды.
Ерхат Серікұлы Искалиев «СҚ-Фармация» ЖШС-ге 2020 жылы, ең қиын кезеңде, COVID-19 пандемиясының өршіп тұрған тұсында келді.
Оның басшылық еткен кезеңінде негізгі міндет – сұраныстың өзгеруіне икемді жауап бере алатын және кез келген төтенше жағдайларда пациенттердің қажеттіліктерін қанағаттандыра алатын дәрі-дәрмекпен қамтамасыз ету жүйесінің тұрақты және жедел жұмысын қамтамасыз ету болды.
