Инвестицияларды тарту – Бірыңғай дистрибьютор қызметіндегі басым бағыттардың бірі. Бүгінгі таңда халықаралық инвесторлар тарапынан дамушы нарықтарда жаңа мүмкіндіктер іздейтін отандық фармацевтикалық нарыққа деген үлкен қызығушылық байқалады.
Мемлекет басшысы жаһандық фармакорпорациялармен ынтымақтастықтың, инвесторларды тартудың, технологиялар трансферті мен жаңа әзірлемелерді қамтамасыз етудің маңыздылығын атап өтті.
Бірыңғай дистрибьютор орауыштан бастап өндірістің толық цикліне дейін ірі брендтер елге кіру үшін алаңды қамтамасыз ету бастамасын көтереді. Кешенді және жүйелі тәсілдің арқасында бұл бағытта оң нәтижелер бар.
Мысалы, Roche және Pfizer фармалыптарымен оригиналды инновациялық дәрі-дәрмектерді келісімшарттық өндіруге тарихи ұзақ мерзімді шарттар жасалды. Сонымен қатар, Қазақстан «Джонсон & Джонсон» ЖШҚ-мен, «AstraZeneca» және «Bayer KAZ» ЖШС-мен клиникалық зерттеулер саласында дәрі-дәрмектердің келісімшарттық өндірісін және технологиялар трансферін дамытуға келісімдер жасасты.
Осылайша, саланың жаһандық ойыншыларының кеңселерін Қазақстанға орналастырудың белсенді процесі жүріп жатыр. Мұндай маңызды қадам клиникалық зерттеулер жүргізу, R&D орталықтарын құру және елдің кадрлық әлеуетін жақсарту мүмкіндігі бар отандық және перспективалық инфрақұрылымды құруда маңызды рөл атқарады.
Келісімшарттық өндірісті одан әрі дамыту және Қазақстанға жаһандық ойыншылардың инвестицияларын тарту үшін «СҚ-Фармация» ЖШС-і Бірыңғай дистрибьюторы мен «Астана» Халықаралық қаржы орталығы (АХҚО) өзара түсіністік туралы Меморандумға қол қойды.
АХҚО-мен ынтымақтастық компанияны дамыту үшін жаңа мүмкіндіктер ашады, өйткені бұл шетелдік инвесторларға сенімді құқықтық базаны, тәуелсіз сот жүйесін, дамыған қаржылық инфрақұрылымды, инновациялар мен сараптаманы ұсына отырып, Қазақстанның инвестициялық тартымдылығын арттыруға ықпал ететін Орталық Азия және Шығыс Еуропа өңіріндегі жетекші қаржы орталығы.
АХҚО қатысушыларының қызметін реттеу – Англия мен Уэльс құқығының қағидаттарына, нормалары мен прецеденттеріне және жетекші әлемдік қаржы орталықтарының стандарттарына негізделген АХҚО Актілеріне сәйкес жүзеге асырылады.
Өндірісті, сондай-ақ олардың кеңселерін оқшаулау арқылы BigPharma-ны отандық нарыққа тартудың арқасында Қазақстан шет елдерге дәрі-дәрмектер мен медициналық бұйымдарды таратуға бағытталған алаң болатын фармацевтикалық хабтың берік инфрақұрылымын құруға жақындай түсуде.
«Мұндай тәсіл елімізде фармхабтар құруға да оң әсерін тигізеді. Қазақстанның сауда-логистикалық хаб ретінде дамуы аясында Орталық Азияда логистикалық фармацевтикалық хаб құруға бастамашылық жасалғандығы белгілі. Бұл бірінші кезекте – дәрі-дәрмектерді тез әрі тиімді бөлу үшін қажет»,-деп атап өтті «СҚ-Фармация» ЖШС-нің Басқарма Төрағасы Ерхат Искалиев.
Президенттің Қазақстанда тауар топтарын индустрияландырумен сауда-көлік хабын дамыту туралы тапсырмасын орындау мақсатында қойма және көлік логистикасы жүйесі Бірыңғай дистрибьютор фармхабтың негізгі клиенті бола отырып, осы орасан зор жобаның бір бөлігіне айналды.
«АХҚО шетелдік инвесторларға болжамды және таныс құқықтық ортаны, сондай-ақ бизнесті ыңғайлы жүргізу үшін қажетті қаржылық қызметтердің кешенді экожүйесін ұсынады, бұл келісім фармацевтика өнеркәсібін дамытуға және шетелдік фармацевтикалық компанияларды тартуға бағытталған инвестициялық жобаларды дамыту шеңберінде АХҚО алаңында ынтымақтастық үшін негіз болады. Сонымен қатар, қол қойылған Меморандум байланыс орнатуға және тәжірибе алмасуға ықпал етеді», – деп атап өтті АХҚО Әкімшілігі Басқарма төрағасының м.а. Темірлан Мұханбетжанов.
Осылайша, Меморандумның мақсаты – өзара қызығушылық тудыратын мәселелерде ынтымақтастық үшін ортақ негіздерді қамтамасыз ету. Құжат тараптар арасындағы өзара іс-қимылдың бағыттары мен нысандарын айқындау жөніндегі практикалық қызметті үйлестіруде бірлескен жұмысты көздейді.
Кездесу соңында тараптар қазақстандық нарықты кеңейту және өзара тиімді әріптестікті нығайту перспективасымен тығыз жемісті ынтымақтастыққа дайын екендіктерін білдірді. Саланы дамытудың тиімді көрсеткіштеріне қол жеткізу мақсатында бірлескен күш-жігерді біріктіру қажеттігі атап өтілді.
Анықтамалық:
«Астана» Халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық және реттеуші ортасы және дамыған инфрақұрылымы бар тәуелсіз юрисдикция.
.jpeg)
