Бірыңғай дистрибьютордың Шэньчжэнь электронды өнеркәсіп қауымдастығының, ҚР Өнеркәсіп және құрылыс министрлігі Өнеркәсіп комитетінің «Ұлттық технологиялық болжау орталығы» өкілдерімен кездесуі өтті.
Шэньчжэнь электронды өнеркәсіп қауымдастығының бұл сапарының мақсаты – Қазақстанда іскерлік байланыстар орнату, қазақстандық нарық пен фармацевтика өнеркәсібін дамыту мәселелерін, сондай-ақ еліміздің аумағында зауыт салу перспективаларын талқылау болды.
«СҚ-Фармация» басшысы Еркен Жақатай сөз сөйлеп, Бірыңғай дистрибьютордың ұзақ мерзімді шарттар сияқты жобаларымен бөлісті. Басқарма Төрағасы қазақстандық нарықтағы жұмыстың негізгі аспектілерін, мемлекеттік органдармен өзара іс-әрекеттесуді және медициналық бұйымдардың стандарттары мен тізбесі бойынша талаптарды түсіндірді.
Қытай делегациясы өз кезегінде кездесу ұйымдастырып, бастамаларды талқылау мүмкіндігі үшін ризашылығын білдірді. Шэньчжэнь электронды өнеркәсіп қауымдастығының өкілі Лю Фей өзара тиімді ынтымақтастықты дамытуға мүдделілік пен Қазақстанның мұқтаждықтары үшін жоғары сапалы медициналық бұйымдарды өндіруге дайындығын атап өтті.
Айта кетейік, Шэньчжэнь электроника өнеркәсібі қауымдастығы – Қытайдағы электроника өнеркәсібін қолдау және дамытумен айналысатын жетекші ұйымдардың бірі. Ол электроника өндірісі мен экспорты саласында 2 000-нан астам кәсіпорынды біріктіреді.
.png)
