ҚАЗАҚСТАН ЖӘНЕ БЕЛАРУСЬ: СҚ-ФАРМАЦИЯНЫҢ ТӘЖІРИБЕСІМЕН ЖӘНЕ ҮЗДІК ПРАКТИКАСЫМЕН БӨЛІСУ

Бүгін Орталық мемлекеттік органдар мен Беларусь БҰҰДБ өкілдері фармацевтика саласындағы СҚ-Фармациямен ынтымақтастық мүмкіндіктерін талқылады.

Бірыңғай дистрибьютор Беларусь делегациясына компанияның қызметін таныстырып, дәрілік заттар мен медициналық бұйымдарды сатып алу жобаларына қысқаша шолу жасады.

Кездесубарысында талқыланған мәселелер:

• Медициналық сатып алу саласындағы заңнамалық аспектілер мен сын-қатерлер;
• Беларусь еліне пайдалы болуы мүмкін Қазақстанның табысты тәжірибелері;
• БҰҰДБ-ның ұлттық жобаларды қолдаудағы рөлі;
• Бірлескен бастамалар мен тәжірибе алмасу мүмкіндіктері.

Беларусь тарапы ашық және тиімді сатып алу тетіктерін құруда қазақстандық тәжірибені қабылдауға дайын екендігін атап өтті.

Қазақстан мен Беларусь арасындағы серіктестік достық пен қолдау көпірлерін нығайта отырып, дамуын жалғастыруда.

Естеріңізге сала кетейік, СҚ-Фармация және БҰҰДБ ынтымақтастығы 2018 жылы әлеуметтік маңызы бар ауруларға арналған дәрі-дәрмектерді сатып алу жобасы аясында басталған болатын.