"СҚ-ФАРМАЦИЯ" ВАКЦИНАНЫ ӨҢІРЛЕР БОЙЫНША УАҚТЫЛЫ ЖЕТКІЗУДІ ҚАМТАМАСЫЗ ЕТЕДІ

"СҚ-ФАРМАЦИЯ" ВАКЦИНАНЫ ӨҢІРЛЕР БОЙЫНША УАҚТЫЛЫ ЖЕТКІЗУДІ ҚАМТАМАСЫЗ ЕТЕДІ

Дәрігерлер вакцинация мен ұжымдық иммунитетті коронавирустың ең тиімді алдын-алу жолы деп атайды. Оны дамыту үшін елдегі ересек тұрғындардың кем дегенде 60% - ын егу керек.

Мемлекет басшысының тапсырмасы бойынша Қазақстанда 2021 жылғы 1 ақпаннан бастап халықты коронавирустық инфекцияға қарсы ерікті вакцинациялау басталды.

Тапсырманы орындау үшін жыл басында "СК-Фармация" бірыңғай дистрибьюторы ҚР Денсаулық сақтау министрлігі мен Ресейдің тікелей инвестициялар қоры (РФПИ) арасында бұрын қол қойылған Келісім шеңберінде "Спутник V" ресейлік вакцинасының 2 млн.90 мың доза жиынтығын сатып алды.

1 ақпаннан бастап өңірлерге "Спутник V" вакцинасының 922 890 дозасы жеткізілді. Вакцинаны жеткізу кестеге сәйкес кезең-кезеңмен жүзеге асырылады. Айта кету керек, вакциналарды өңірлерге жеткізу көлемі жаппай егу басталған күннен бастап өсіп келеді. Осылайша, вакцинаның жалпы көлемі 2 миллионнан астам ел азаматтарының вакцинацияға қол жетімділігін қамтамасыз етеді.

Өңірлер бойынша вакциналарды бөлу Қазақстан Республикасының Ұлттық егу күнтізбесіне кіретін вакциналар сияқты ҚР ДСМ "санитарлық-эпидемиологиялық бақылау комитетімен" келісім бойынша жүзеге асырылады.

Вакциналарды сақтау және тасымалдау нұсқаулықтарын нақты ұстану және жағымсыз салдардың алдын алу үшін бірыңғай дистрибьютор иммунобиологиялық препараттардың логистикасын GMP және GDP барлық стандарттарын, сондай-ақ "суық тізбекті"сақтай отырып жүзеге асырады.

Сонымен қатар, үш ай бойы барлық өңірлерде вакцинациялау кезеңдері шеңберінде вирусқа қарсы күресте алдыңғы қатарда тұрғандар – медицина қызметкерлері, құқық қорғау және күш құрылымдарының қызметкерлері, педагогтар коронавирусқа қарсы екпе алады. Сәуір айынан бастап елімізде бүкіл халық үшін вакцинация басталды. Ұжымдық иммунитеттің әсерін алу үшін елімізде 10 млн.адамды вакцинациялаумен қамту жоспарланып отыр.

ҚР Премьер-министрі Асқар Мамин Мемлекет Басшысы Қасым-Жомарт Тоқаевтың өңірлерде вакцинацияланатындардың санын арттыру жөніндегі тапсырмасына сәйкес, ағымдағы жылдың сәуір айынан бастап өңірлерде ай сайын 2 миллион адамды вакцинациялау қамтамасыз етіледі. Қыркүйек айында 10 миллион азаматты вакцинациялауды аяқтау жоспарлануда.

Бүгінгі таңда вакцинация емханаларда, сауда орталықтарында, базарларда және жылжымалы вакцинация пункттерінде жүргізіледі. Ресейден әкелінген және Қазақстанда өндірілген "Спутник V" вакцинасы қолданылады. Сәуір айының соңында жергілікті QazVac вакцинасы айналымға түсуі керек.

Бұдан басқа, қазіргі уақытта ҚР халқын вакцинациялау бағдарламасымен толық қамту және оның үздіксіз жүргізілуін қамтамасыз ету үшін басқа өндірушілердің вакциналарын сатып алу мәселесі пысықталуда.

Сонымен қатар, Бірыңғай дистрибьютор поршеньнің қайта қозғалуын бұғаттайтын құрылғымен жабдықталған вакцинациялауға арналған бір реттік өздігінен бұзылатын шприцтердің қажетті қорын жасау бойынша алдын ала жұмыс жүргізді. 2021 жылға Бірыңғай дистрибьютор 1,4 млн.шприц сатып алды, сондай-ақ вакцинаның I және II компоненттерін енгізуді ескере отырып, халықты вакцинациялаумен толық қамту үшін қосымша 19,8 млн. бірлік сатып алынды.

Бүгінгі күні Бірыңғай дистрибьютордың қоймаларына мерзімінен бұрын 11,4 млн.бірлік шприц келіп түсті, оның ішінде денсаулық сақтау басқармаларының әртүрлі тапсырыстары негізінде өңірлерге 2,94 млн. бірлік тиелді, бұл КВИ-ға қарсы вакцинаның тиелген көлемі үшін жеткілікті. Осылайша, бірыңғай дистрибьютор халықты вакцинациялаумен толық қамту үшін өздігінен бұзылатын шприцтер қорын құрды.