17 қаңтарда «СҚ-Фармация» Бірыңғай дистрибьютордың алаңында Еуропалық Одақ елдерінен Қазақстанның фармацевтикалық өнеркәсібіне және медициналық техника өндірісіне инвестициялар тарту мақсатында вебинар өтті. Вебинар БеНиЛюкс сауда палатасымен бірлесіп ұйымдастырылған.
Фармацевтикалық және медициналық өнімдердің отандық өндірісін дамытуды қолдау бойынша жүзеге асырылып жатқан іс-шаралар аясында Бірыңғай дистрибьютор «СҚ-Фармация» ЖШС-і жаһандық брендтердің қаптамадан толық өндірістік циклге дейін елге кіруі үшін платформаны қамтамасыз ету бастамасын көтеруде.
Кездесуге Қазақстандағы Германия елшілігінің өкілдері Холгар Коллей мен Юлия Саржанова, Португалия Елшілігінің өкілдері David Matos пен Maria Kiseleva, Қазақстандағы Бельгия Елшілігінен Florian L’heureux, Италия елшілігінің өкілі Emilio Sessa, Нидерланды Корольдігі Елшілігінің атынан Динара Амантурлиева, Польша Елшілігінің өкілі Tomasz Kollat, «Джонсон & Джонсон» ЖШҚ-ы өкілдері Равиль Блатов, Әділет Назарбаев және Төрехан Толағай, сондай-ақ Швецияның Қазақстандағы Елшісі Ева Полано, Еуропалық Одақтың Қазақстандағы Өкілдігінің сауда бөлімінің басшысы Agnieszka Osiecka, Бельгияның Қазақстандағы экономикалық өкілдігінің басшысы Айжан Муссакова, «Bayer» ЖШС-і нарыққа қол жеткізу жөніндегі менеджері Ерхан Азанбаев, Назарбаев Университетінің Медицина жөніндегі вице-президенті – Медицина мектебінің Деканы Массимо Пиньателли, «Қазақинвест» АҚ-ы сервистік қолдау департаментінің директоры Алида Туебекова және СҚ-Фармация өкілдері қатысты.
Сонымен қатар, вебинарға қатысуға Қазақстандағы Швеция Елшілігі, Қазақстандағы Австрия елшілігі, Қазақстандағы Словакия елшілігі, Германияның оптика, фотоника өнеркәсіптік қауымдастығы, «m3 Groupe Holding SA» инвестициялық швейцариялық тобы, Германия Федеративтік Республикасының «Germany Trade & Invest» Экономикалық даму агенттігі, «Сименс Здравоохранение» ҚБ, «Kazorange» Нидерландтық фармкомпаниясы, португалдық «Ihcare» және «Farmaka» компаниялары, «AstraZeneca» Британдық-Швед фармацевтикалық компаниясы, «STADA Kazakhstan» ЖШС-і және ҚР Денсаулық сақтау министрлігінің өкілдері шақырылды.
Жалпы, халықаралық вебинарда әлемнің 10-нан астам елінен 85 қатысушы болды, олардың 60-тан астамы онлайн қосылды.
Күн тәртібіндегі басты мәселе – Қазақстан аумағында келісімшарттық өндіріс шеңберінде инвестициялар тарту және инновациялық фармацевтикалық өнімдер мен медициналық техниканы оқшаулау болды.
Бұл қалай жұмыс істейді? Шетелдік компания келісімшарт негізінде дәрі-дәрмектерді отандық агенттің өндірістік қуаттарында өндіреді. Схема қазақстандық нарыққа BIGPHARMA брендтеріне кіруге мүмкіндік беретіндіктен, бұл механизм отандық тауар өндірушіні қолдау мен бірегей және инновациялық дәрілік заттар нарығына шығу рәсімдерін жеңілдету мақсатында әзірленді.
Big Pharma – фармацевтикалық өнімдердің ең ірі өндірушілерінің тобы. Оның құрамына жылдық кірісі 3 миллиард доллардан асатын 50 үздік компания кіреді.
Өндірісті беру брендтер үшін де тиімді, онда бір бизнес идеялар тудырса, ал екіншісі оларды жүзеге асырады. Шығындарды азайтуға, ішкі қуаттарды төмендетуге және жаңа нарықтарға шығуға бет бұрып, фармацевтика өнеркәсібінде келісімшарттық өндірушілерді пайдалану бірнеше онжылдықтар бойы өсіп келеді.
Фармацевтикалық компаниялар қызметтердің кең спектрін ұсынатын немесе өндірісте стратегиялық маңыздырақ және ұзақ мерзімді рөл атқаруға дайын келісімшарт өндірушілерін іздей бастады.
Сонымен қатар, Назарбаев Университетінің Медицина жөніндегі вице-президенті – Медицина мектебінің Деканы Массимо Пиньателли Астанадағы медициналық-фармацевтикалық кластер туралы баяндама жасады. Бұл тұста Швейцарияға үкіметтік сапары барысында ҚР Денсаулық сақтау министрлігінің Roche компаниясымен қол қойған негіздемелік Келісім шеңберінде Назарбаев Университетінің Медицина мектебінің базасында in vitro диагностика оқу орталығын құру маңызды рөл атқарады.
Құрылған оқу орталығының алаңында Roche-ден басқа Қазақстанның түкпір-түкпірінен мамандардың біліктілігін кешенді арттыру және оқыту үшін оқу-инновациялық бағдарламалардың басқа да әлемдік вендорларымен бірге іске қосу жоспарлануда. Спикер ғылым, білім және жұмыс істеп тұрған фармөндіріс арасындағы тығыз байланысты қалыптастыру мен сақтау отандық ғылымның дамуына серпін беріп, Қазақстанның ғылыми мұрасын нығайтатынын атап өтті.
«Қазақинвест» АҚ-ы сервистік қолдау департаментінің директоры Алида Туебекова, өз кезегінде, инвестициялық жобаларды қолдау құралдары туралы айтып берді. Ал, «Джонсон & Джонсон» ЖШҚ-ы коммерциялық операциялар және нарыққа қолжетімділік жөніндегі менеджері Равиль Блатовтың баяндамасының тақырыбы – Қазақстанның инвестициялық тартымдылығының өсуінің жетекші факторларының бірі ретінде зияткерлік меншік құқықтарын қорғау болды.
Сондай-ақ, Бірыңғай дистрибьютордың өкілдері дәрі-дәрмекпен қамтамасыз ету процесі туралы тоқталып өтті. Ол дәрі-дәрмек өндірушілерінің ҰДЗСО-ға тіркелуге өтініш беруінен басталады. ҰДЗСО-ның Сараптама органы қауіпсіздікті, сапаны және тиімділікті, «пайда-тәуекел» арақатынасын кешенді бағалау, дәрілік заттарға клиникалық зерттеулер жүргізу үшін материалдарды бағалау, реттелетін сапаға сәйкестікке зертханалық сынақтар, фармакологиялық қадағалау деректері арқылы дәрі-дәрмектерге сараптама жасайды.
Дәрілік затқа жүргізілген сараптама нәтижелері бойынша мемлекеттік сараптама ұйымы сараптамаға мәлімделген дәрілік заттың қауіпсіздігі, сапасы және тиімділігі туралы қорытынды жасайды.
Дәрі-дәрмекпен қамтамасыз ету жүйесінің басты міндеті – сұраныстың өзгеруіне жедел және нақты ден қою, кез келген төтенше жағдайда икемділік, сондай-ақ азаматтардың қажеттіліктеріне бағдарлану.
Азаматтарды сапалы және тиімді дәрі-дәрмектермен қамтамасыз ету әрқашан ұлт денсаулығын сақтаудағы басымдық болды. Құрылған жүйенің арқасында пациенттердің қауіпсіз және қолжетімді дәрілік заттарға қолжетімділігін үздіксіз қамтамасыз етуге, сондай-ақ фармацевтикалық нарықтың барлық қатысушыларының: тұтынушылардың, мемлекеттің және фармацевтикалық бизнесті жүзеге асыратын кәсіпкерлердің мүдделерін теңестіруге мүмкіндік бар.
Сонымен қатар, Бірыңғай дистрибьютордың 2 мыңнан астам медициналық ұйымды және 5 миллионнан астам пациентті біз сатып алатын препараттарды алушылар қамтамасыз ету жөніндегі қызметі туралы баяндама жасалды.
2022 жылы сатып алынған дәрі-дәрмектер мен медициналық бұйымдардың тізбесі 796,5 миллион АҚШ доллары сомасына 1600-ден астам позицияны құрады, сатып алу рәсімдерін орталықтандыру есебінен сатып алу қорытындысы бойынша үнемдеу бюджет қаражатының 57,5 миллион АҚШ долларын құрады.
Баяндама барысында Бірыңғай дистрибьютордың 2022 жылға арналған дәрілік заттар мен медициналық бұйымдардың импорты бойынша статистикасы айтылды. Отандық фармацевтикалық өндірісті дамыту ұлттық дәрілік қауіпсіздіктің негізі және ұзақ мерзімді мемлекеттік саясаттың маңызды бағыты болғандықтан, атаулардың жартысынан көбі отандық өндірушілерден сатып алынды. Одан кейін, сатып алынған дәрі-дәрмектердің үлесінде Еуропа елдері жетекші орынға ие – 24%. Еуропа елдерінің ішінде Австрияда, Германияда, Польшада және Латвияда көбірек сатып алынады. Жүргізілген талдау көрсеткендей, ең аз сатып алу Беларуссияда – 5 атаумен жүргізілді.Баяндама барысында Бірыңғай дистрибьютордың 2022 жылға арналған дәрілік заттар мен медициналық бұйымдардың импорты бойынша статистикасы айтылды. Отандық фармацевтикалық өндірісті дамыту ұлттық дәрілік қауіпсіздіктің негізі және ұзақ мерзімді мемлекеттік саясаттың маңызды бағыты болғандықтан, атаулардың жартысынан көбі отандық өндірушілерден сатып алынды. Одан кейін, сатып алынған дәрі-дәрмектердің үлесінде Еуропа елдері жетекші орынға ие – 24%. Еуропа елдерінің ішінде Австрияда, Германияда, Польшада және Латвияда көбірек сатып алынады. Жүргізілген талдау көрсеткендей, ең аз сатып алу Беларуссияда – 5 атаумен жүргізілді.
Бірыңғай дистрибьютордың сатып алу қорытындысы бойынша Еуропа елдері өндірісінің өнімі жиынтық мәнде жалпы сатып алу көлемінің 49%-ын немесе 206,6 млрд теңгені құрайды. Инновациялық дәрі-дәрмектердің ең ірі өндірісін құрайтын он елдің үлесі Бірыңғай дистрибьютордың жалпы сатып алуының 47%-н құрап отыр. Онда Швейцария, Франция және Германия көш бастап тұр.
Барлық баяндамалар тыңдалғаннан кейін қатысушылар сұрақтарын қойып, қазіргі және ықтимал мәселелерді көтерді, сондай-ақ айтылған жобалар туралы пікір алмасып, талқылау өткізді.
Кездесу соңында тараптар отандық фармацевтикалық нарықты да, одан тыс тұстарын да дамытуда тиімді ынтымақтастыққа дайын екендіктерін білдірді, сондай-ақ мұндай кездесулер өзекті мәселелерді көтеру арқылы саланың белгілі бір мәселелерін шешуге әсер ететініне сенім білдірді.
Осылайша, отандық өндірістің әлемдік еуропалық алыптарының өндірісін оқшаулау Қазақстан экономикасы салаларының индустриялық-инновациялық стратегиялық бағдарламаларын іске асыруға мүмкіндік береді және, әрине, елдің медициналық-фармацевтикалық өнеркәсібінің бәсекеге қабілеттілігі мен әлеуетін дамытуға серпін береді.
 (14) (1).png)
.png)
 (11).png)
.jpeg)
