БІРЫҢҒАЙ ДИСТРИБЬЮТОРДЫҢ ХАБТАРЫНДА COVID-19 ДӘРІЛІК ЗАТТАРЫНЫҢ ЕКІ АЙЛЫҚ АЗАЙТЫЛМАЙТЫН ҚОРЫ ҚАЛЫПТАСТЫРЫЛДЫ

Коронавирустық инфекцияны емдеу үшін дәрілік препараттардың қолжетімділігін кідіріссіз қамтамасыз ету мәселесі ҚР Үкіметінің ерекше бақылауында.

Пандемияның бірінші толқынынан қорытынды шығара отырып, ауруханалар мен провизорлық орталықтарды коронавирустық инфекцияны емдеуге арналған барлық қажетті дәрілік заттармен және медициналық бұйымдармен қанықтыру мәселесін тез әрі тиімді шешу үшін КВИ-мен байланысты жағдайды тұрақтандыру туралы жедел шаралар әзірленді.

Ең алдымен, қысқа мерзімді перспективада дәрі-дәрмек тапшылығы мәселесін тез шешуге көмектесетін шұғыл шаралар кешені жасалды. Осындай шешімдердің бірі КВИ емдеуге арналған дәрілік заттардың төмендемейтін екі айлық қорын қалыптастыру болды.

Осылайша, бірыңғай дистрибьютор COVID-19 короновирустық инфекциясын емдеуге арналған 44 дәрілік заттың(амин қышқылдары, анилидтер, аритмияға қарсы препараттар, антикоагулянттар, вазопрессорлар, иммуносупрессанттар, вирусқа қарсы препараттар) екі айлық азайтылмайтын қорын қалыптастырды.

Бұл қор ҚР Денсаулық сақтау министрлігінің хаты негізінде айына стационарларда 60 000 пациентті емдеу есебінен қалыптастырылды.

Қазіргі уақытта ҚР Денсаулық сақтау министрлігі covid-19 емдеу хаттамасының екі айлық Қордың қалыптастырылған тізіміне өзгеруіне байланысты қайта қарады.

Осыған байланысты тізімнен 6 препарат ("Ремдесивир", "Дифенгидрамин", "Тоцилизумаб", "кальций Надропарині", "Надропарин", "натрий Фондаринуксы") алынып тасталды.

Осылайша, бүгінгі күні КВИ емдеу үшін 6,4 млрд.теңге сомасына дәрілік заттардың 38 атауынан екі айлық азаймайтын қор қалыптастырылды.

Covid-19 бойынша екі айлық төмендемейтін дәрілік заттар қорының көлемі Бірыңғай дистрибьютордың Хабтарында өңірлер тұтыну фактісі бойынша бөлінген және сақталған:

• Алматы қаласы тұрғыны – 35%;
• Нұр-сұлтан қаласы – 30%;
• Ақтөбе қаласы тұрғыны – 15%;
• Шымкент қаласы – 20%.

Бірыңғай дистрибьютор медициналық ұйымдардың өтінімі бойынша қосымша өтінім түскен кезде төмендемейтін екі айлық қордағы дәрілік заттарды пайдаланады. Медициналық ұйымдарға тиеп-жөнелтілуіне қарай азаймайтын Қордың пайдаланылған көлемі жедел толықтырылады және жаңартылады.

Төмендемейтін екі айлық қордың көлемін Бірыңғай дистрибьютор медициналық ұйымдардың өтінімдерінен тыс сатып алады.

Бірыңғай дистрибьютор Бірыңғай дистрибьютордың қоймаларында да, медициналық ұйымдарда да дәрілік заттар мен медициналық бұйымдардың болуына тұрақты негізде мониторинг жүргізеді. Апта сайынғы негізде ақпарат ҚР Денсаулық сақтау министрлігіне ұсынылады.

Бұдан басқа, сыбайлас жемқорлыққа қарсы іс-қимыл агенттігінің қызметкерлері жұртшылық өкілдерімен (арнайы мониторингтік топтардың мүшелерімен, "Адалдық алаңы" жобалық кеңселерінің өкілдерімен, үкіметтік емес ұйымдардың белсенділерімен) және БАҚ-пен бірлесіп, COVID-19 емдеуге арналған дәрілік заттардың қалыптасқан екі айлық қорының болуы тұрғысынан Бірыңғай дистрибьютор хабтарының мониторингін тұрақты негізде жүргізеді.